Türkmenistanyň Ýaşaýyş jaý kodeksiniň 60 mad. esasynda ýazgydan mejbury aýyrmak kazyýetiň üsti bilen mümkin. Munuň üçin öýüň eýesi öýüň ýerleşýän ýeri boýunça etrap kazyýetine degişli şikaýaty tabşyrmaly. Ilki bilen, ýazgydan aýyrmaga meýilleşdirýän adama habarnama ugratmak zerur. Muny bellige alnan ýeri boýunça we mälim bolan hakyky salgy boýunça ugratmak bilen, sargyt hatynyň üsti bilen ýerine ýetirmek maslahat berilýär. Kanunyň adamy duýdurmagy talap etmeýändigine garamazdan, muny etmek maslahat berilýär – ýogsam, kazyýetiň üsti bilen ýazgydan aýyrmak prosesi kesgitlenilmedik möhlete çekilip bilner.
Şikaýatyň özüne aşakdaky resminamalary goşmaly:
- öýe bolan eýeçilik hukugyny tassyklaýan resminama;
- jogap berijiniň öýi ulanmak hukugyny ýitirendigi hakynda subutnamalar (mysal üçin, aýrylyşma ýagdaýynda – nikanyň bozulandygy hakynda şahadatnama);
- siziň jogap berijä jedelli öýden çykmagy hakynda ýazmaça habar berendigiňizi tassyklaýan subutnamalar. Munuň ýaly resminama hökmünde gowşurmak hakynda poçta habarnamasy ýa-da jogap berijiniň munuň ýaly haty alandygy hakynda belligi ulanylyp bilinýär;
- jogap berijiniň kommunal tölegleri tölemeýändigini, poçta almaýandygyny, hakykatda öýde ýaşamaýandygyny tassyklaýan subutnamalar. Şaýatlary çagyryp we kazyýet geňeşine jogap berijä ýollanylan, emma ol tarapyndan alynmadyk hatlary getirip bolýar;
- çagalaryň kakasy ýazgyda duran ýeriniň ýaşaýyş jaý müdirliginden güwähaty;
- döwlet pajyny tölemek hakynda töleg haty;
- siziň şikaýatyň we oňa goşulan resminamalaryň nusgasyny jogap berijä we işe gatnaşýan gaýry taraplara (eger-de olar bar bolsa) ugradanyňyzy tassyklaýan resminamalar. Munuň ýaly resminama hökmünde, adatça, gowşurmak hakynda poçta habarnamasy ulanylýar. Mundan soň kazyýet geňeşi belleniler.
